Ndryshe nga shumë vende të tjera europiane, Italia ka vendosur të mos ndryshojë rregullat e udhëtimit për shqiptarët që duan të fluturojnë drejt vendit fqinj.
Lajmi bëhet i ditur nga ambasada italiane në Shqipëri, e cila njofton se janë shtyrë deri më 31 janar të vitit 2022 masat që ishin në fuqi për udhëtimet nga Shqipëria drejt Italisë.
Rregullat që janë në fuqi parashikojnë se personave që u nevojitet të udhëtojnë drejt Italisë për nevoja pune, urgjence, motive shëndetësore, motive studimi, apo kthim në vendbanim u duhet të paraqesin testin molekular ose antigjenin negativ për Covid-19, i cili duhet kryer brenda 72 orëve para hyrjes në Itali; detyrimin e vetëkarantinimit 10 ditor sapo të ketë hyrë në Itali dhe detyrimin e kryerjes së një tamponi tjetër në përfundim të periudhës 10 ditore.
Gjithashtu, duhet të plotësojnë një formular specifik të lokalizimit në format dixhital, përpara se të hyjnë në territorin italian. Udhëtarët ndër të tjera duhet të zbatojnë detyrimin e vetëkarantinimit 10 ditor sapo të ketë hyrë në Itali dhe detyrimin e kryerjes së një tamponi tjetër në përfundim të periudhës 10 ditore.
Discussion about this post