Shqetësimet në zemër të lojtarëve janë shtuar shumë kohët e fundit. Vetëm në javën e fundit janë mësuar raste të futbollistëve që kanë shfaqur probleme në zemër.
Lindelof i Manchester United dhe Piotr Zielinski i Napolit shfaqën probleme me frymëmarrjen duke trembur jo pak klubet përkatëse.
Ndërsa ka dhe lojtarë të tjerë, jo kaq të njohur që kanë shfaqur shqetësime të tilla si Martin Terrier i Rennes, Ricardo Gomez i Partizanit të Beogradit i cili pësoi kolaps në stërvitje, lojtari i Wigan, Leam Richardson që shpëtoi falë ndërhyrjes së CPR, John Fleck i Reading, Adama Traore i Sheriff Tiraspol apo edhe Emil Palsson i cili luan në kategorinë e dytë norvegjeze dhe teknikisht ishte i vdekur për katër minuta duke risjellë në memorie edhe atë çka i ndodhi Eriksen në Euro 2020.
Sergio Aguero nga ana tjetër njoftoi të mërkurën tërheqjen nga futbolli pas shqetësimit që shfaqi disa javë më parë në zemër dhe kështu i dha lamtumirën.
Eriksen nga ana tjetër nuk do mund të luajë më kurrë në Seria A pas atakut që pësoi në ndeshjen e Danimarkës kundër Finlandës në Euro 2020./K.T/Gijotina.com
Discussion about this post