Gjykata kundër Korrupsionit dhe krimit të Organizuar ka lënë në burg ish-ministrin e Mjedisit lefter Koka pas akuzave për shpërdorim detyre, pastrim parash dhe korrupsion lidhur me aferën e inceneratorëve
Ka qenë gjyqtari Erjon Bani ai që ka dhënë masën e sigurisë për Kokën, ndërsa përmes avokatit të tij, Koka ka mohuar akuzat. Sipas tij ai ka respektuar ligjin dhe ka mbajtur qëndrim mohues përpara gjykatës.
“Kam respektuar vetëm ligjin”, mësohet të jetë shprehur Koka, i cili sipas SPAK ka marrë një ryshfet prej 3.7 milionë eurosh për inceneratorin e Elbasanit.
Seanca për Kokën nisi rreth orës 11:00, ndërsa kujtojmë se ish-ministri i mjedisit prej dy ditësh mbahej në ambientet e paraburgimit të komisariatit të policisë së Tiranës.
Koka u arrestua dy ditë më parë me urdhër të SPAK, pas hetimeve për inceneratorin e Elbasanit. Ai u prangos në shtëpinë e tij në Durrës dhe më pas u transferua në Drejtorinë e Policisë në Tiranë
Përveç Kokës, në këtë aferë ishin të përfshirë edhe Klodiana Zoto dhe Stela Gugallja, të cilët janë shpallur në kërkim për të njëjtën aferë korruptive. Sipas SPAK, Ministria nuk ka kryer veprimet e plota përgatitore për dhënien e koncensionit. Gjithashtu SPAK ka konstatuar se në rastin e këtij koncensioni është aplikuar procedura me negocim pa shpallje paraprake, kur këtë gjë e përjashton ligji.
Discussion about this post