Presidenti i AF Elbasanit: Skema e re e Superiores më pëlqen, projekti nis nga Dede. Si lindi ideja për të marrë klubin

Presidenti i AF Elbasani, Kujtim Llupa, i ftuar në emisionin “Skaner” në MCN TV, deklaroi se skema e re e Superiore, i pëlqen.

Llupa deklaroi se ai do e pranonte të njëjtën skemë në Superiore, edhe për sezonin e ardhshëm, ku do të marrë pjesë edhe AF Elbasani.

Ai tregoi gjithashtu edhe si lindi ideja për të marrë AF Elbasanin. Sipas tij, projekti i Superiores do të fillojë nga Nevil Dede.

Kam vite që e ndjek Superioren. Skema më pëlqen, mbetet për tu parë. Nëse do propozohej skema edhe për sezonin tjetër, do e pranoja si sfidë. Projekti nis nga Nevil Dede.

AF Elbasani ka tre vite që ka lindur, nuk ka lindur nga unë. Ka lindur nga Mariglen Çoku dhe kryetari i bashkisë. Marigleni me shpalosi projektin për AF Elbasanin. E pashë dhe iu bashkova këtij projekti. Ndihem shumë i vlerësuar nga qyteti i Elbasanit.

Kemi vite që merremi me futbollin. Më duhej pak kohë, me bashkëpunëtorin tim personal, për të shkuar te ky vendim. I kam marrë shumë kohë familjes për këtë projekt. Indicia për tu afruar te Elbasani, janë qyteti, tifozët dhe stadiumi që ka.