Do festonte sot ditëlindjen, Sonila Meço për babin e ndjerë: Festofsh me engjëjt

Një javë më parë, gazetarja dhe opinionistja e ‘Ferma VIP’, Sonila Meço humbi babain.

Gazetarja nuk ka nguruar të ndajë ndjesitë e këtyre ditëve të vështira me ndjekësit e mitqë e saj në rrjetet sociale të cilët nuk i kanë kursyer ngushëllimet e fjalët e zemrës.

Sot, babi i Sonila Meços do festonte ditëlindjen.

“Goca e vogël e babushit përgjithmonë! Festofsh ditëlindjen me engjëjt dashuria ime e parë, e dytë, e përjetshme! Faleminderit, që vendose shumë lartë kutinë e matjes së një burri në jetën time dhe të Rezit! Faleminderit për si e ke bërë të ndihet mama Letën! Faleminderit për dhuratën e paçmuar, krenarinë e të qenurit Meço, krenarinë e të qenurit bijat e finsnikut Tomi!”, shkruan gazetarja Sonila Meço, krah një foto të familjes së saj vite më parë.