Deputeti demokrat, Flamur Noka ka reaguar pas vendimit të gjykatës për të liruar katër të arrestuarit që protestuan para bashkisë së Tiranës.
Sipas tij, vendim i gjykatës për të mos u lejuar të marrin pjesë në tubime publike është një masë e re e shpikur nga gjykata, me qëllimin e vetëm, për të frikësuar dhe bërë presion ndaj protestuesve.
“Pra pasi ju turren protestuesve duke i dhunuar dhe duke im mbajtur peng, vetëm se protestojnë kundër hajdutërisë.
Sot në shtetin e Edi Ramës të protestosh kundër hajdutëve je i paligjshëm të vjedhësh taksat e shqiptarëve ke bekimin edhe të policisë edhe të institucioneve të shtetit.
Drejtësia e re për të mbrojtur hajdutërinë e pushtetit shpiku një masë që përpos detyrimit të paraqitjes, nuk lejohet të dilni në vende publike. Kjo tregon që kemi të bëjmë me struktura të mirëfillta. Këta kërkojnë të ndalojnë protestën kundër hajdutërisë. Por të jeni të sigurtë se Erion Veliaj do të kërrehet nga aty ku është”, u shpreh ai.
Discussion about this post