Bushati: Reportazhi i RAI synon të tregojë me çfarë maskarenjsh është lidhur Meloni

Analisti Andi Bushati deklaron se reportazhi i transmetuar në RAI 3 nuk synon të tregojë çfarë heqin shqiptarët nga regjimi që kanë mbi kokë, por me çfarë maskarenjsh është lidhur Meloni.

Bushati tha se nëse marrëveshja Rama-Meloni për refugjatët nuk do ishte nënshkruar ky emision nuk do të transmetohej.

“Në thelb emisioni ka një hipokrizi dhe nuk është shqetësimi sa keq është Shqipëria, por kërkon të tregojë se me çfarë maskarenjsh është lidhur Meloni”, tha Bushati në ‘Çim Peka Live’.