Kupa e Shqipërisë/ Kukësi në finale, Vllaznia-Egnatia në shtesë

Kukësi është skuadra e parë finaliste e Kupës së Shqipërisë, ku do të përballet me fituesin e çiftit Vllaznia-Egnatia.

Tirana triumfoi 1-0 ndaj Kukësit në stadiumin “Air Albania”, megjithatë, falë avantazhit 2-0 në ndeshjen e parë, verilindorët siguruan biletën për në finalen e 14 majit.

Ndeshja u vendos nga një supergol i Deliut nga goditja e dënimit në minutën e 17-të.

Po me rezultatin 1-0 u mbyll edhe takimi mes Vllaznisë dhe Egnatias, falë golit të Alivodës në minutën e 29-të. Me këto shifra, por në favor të Egnatias, u mbyll takimi i parë mes këtyre dy ekipeve. Në këto kushte, takimi ka shkuar në shtesë.