Ndërrimi i bravave, Berisha: Nuk ka dry që mund të pengojë vullnetin e lirë të demokratëve

Ish-kryeministri Sali Berisha ka reaguar lidhur me lajmin e mbylljet së disa degëve të PD-së në rrethe të ndryshme të vendit. Berisha përmes FB shkruan se nuk ka vulë apo bravë që mund të pengojë vullnetin dhe votën e lirë të demokratëve.

“Nuk ka vulë, bravë apo dry që mund të pengojë vullnetin dhe votën e lirë të demokratëve” – shkruan Berisha.

Pak më herët reagoi edhe deputeti demokrat i Elbasanit, Luçiano Boçi i cili u shpreh se demokratët do ta shprehin vullnetin e tyre në 18 dhjetor. Mbështetësit e Kuvendit të 11 Dhjetorit kanë denoncuar se në degët e PD po ndërrohen bravat e dyerve për të penguar referendumin për shkarkimin e Lulzim Bashës nga drejtimi i Partisë Demokratike.