Deborah Keçi, ish drejtoresha e Klubit Sportiv të Tiranës, është zyrtarisht nën hetim nga SPAK, pasi akuzohet për abuzim me detyrën duke i dhënë tendera kompanisë “5D Konstruksion”.
Megjithatë kjo nuk e ka ndaluar ish drejtoreshën të japi këshilla motivuese se si të arrijmë majat e suksesit.
E ftuar në një podkast nga moderatorja Alketa Vejsiu, ish-drejtoresha e shumësportëshit të Tiranës ka rrëfyer fëmijërinë e saj, fillimet me notin dhe rrugën drejt suksesit. Mesazhe shumë të bukura nga Deborah, por a i ka zbatuar vetë ato që i pohoi Alketës…
Alketa Vejsiu: Një gotë talent po dhe një oqean ambicie dhe punë, apo jo? Vetëm kjo do sillte rezultate
Deborah Keçi: Patjetër. Ndoshta është shumë kollaj për të shkuar në majë. Ndoshta njëherë fatin e ke me vete, ndoshta t’i punon për një periudhë të caktuar kohe dhe mund të arrish majën. Por çfarë ndodh pasi ti je në majë?! Aty është një tjetër histori më vete.
Njeriu kur arrin majën, pikë së pari duhet të jetë me këmbë në tokë. Se nëse nuk je me këmbë në tokë, se zakonisht na merr dhe koka erë ndonjëherë kur njerëzit arrin pozicione të caktuara, apo arrin të bëhen kampion. Harrojnë të punojnë. Harrojnë objektivat që kanë.
Njeriu kur arrin majën duhet të kuptojë se aty nis puna e vërtetë për të qëndruar në majë dhe duhet një punë e vazhdueshme për të përmirësuar veten çdo ditë.
Discussion about this post