Vllaznia u eliminua nga gjysmëfinalja e Kupës së Shqipërisë dy ditë më parë nga Egnatia, e cila barazoi 1-1 në “Loro Boriçi” dhe përfitoi nga fitorja e takimit të parë 1-0.
Ky dështim në një nga objektivat sezonalë të klubit shkodran duket se i ka kushtuar shtrenjtë trajnerit Qatip Osmani, i cili nuk do të jetë më në krye të Vllaznisë në këtë fundsezoni.
Në një njoftim nga klubi theksohet se palët kanë arritur të gjejnë mirëkuptimin për të mbyllur bashkëpunimin:
“𝐊𝐅 𝐕𝐥𝐥𝐚𝐳𝐧𝐢𝐚 𝐧𝐣𝐨𝐟𝐭𝐨𝐧 𝐭ë 𝐠𝐣𝐢𝐭𝐡ë 𝐨𝐩𝐢𝐧𝐢𝐨𝐧𝐢𝐧 𝐬𝐩𝐨𝐫𝐭𝐝𝐚𝐬𝐡ë𝐬 𝐬𝐞 𝐤𝐚 𝐦𝐛𝐲𝐥𝐥𝐮𝐫 𝐦𝐞 𝐦𝐢𝐫ë𝐤𝐮𝐩𝐭𝐢𝐦 𝐛𝐚𝐬𝐡𝐤ë𝐩𝐮𝐧𝐢𝐦𝐢𝐧 𝐦𝐞 𝐩𝐫𝐨𝐟𝐞𝐬𝐨𝐫 𝐐𝐚𝐭𝐢𝐩 𝐎𝐬𝐦𝐚𝐧𝐢𝐧 𝐝𝐡𝐞 𝐩𝐨 𝐚𝐬𝐡𝐭𝐮 𝐞𝐝𝐡𝐞 𝐦𝐞 𝐳ë𝐯𝐞𝐧𝐝ë𝐬𝐭𝐫𝐚𝐣𝐧𝐞𝐫𝐢𝐧 𝐁𝐚𝐬𝐡𝐤𝐢𝐦 𝐋𝐢𝐯𝐨𝐫𝐞𝐤𝐚. 𝐊𝐥𝐮𝐛𝐢 𝐢 𝐟𝐚𝐥𝐞𝐧𝐝𝐞𝐫𝐨𝐧 𝐩ë𝐫 𝐭ë 𝐠𝐣𝐢𝐭𝐡ë 𝐤𝐨𝐧𝐭𝐫𝐢𝐛𝐮𝐭𝐢𝐧 𝐞 𝐝𝐡ë𝐧ë 𝐩ë𝐫 𝐬𝐤𝐮𝐚𝐝𝐫ë𝐧 𝐭𝐨𝐧ë 𝐝𝐡𝐞 𝐢 𝐮𝐫𝐨𝐧 𝐬𝐡𝐮𝐦ë 𝐬𝐮𝐤𝐬𝐞𝐬𝐞 𝐧ë 𝐤𝐚𝐫𝐫𝐢𝐞𝐫ë𝐧 𝐞 𝐭𝐲𝐫𝐞 𝐭ë 𝐦ë𝐭𝐞𝐣𝐬𝐡𝐦e”.
Sipas disa raportimeve mediatike, klubi do të drejtohet përkohësisht nga drejtori sportiv Tefik Osmani, deri sa të arrihet akordoi me trajnerin e ri. Flitet se te shkodranët mund të rikthehet Thomas Brdaric, me trajnerin gjerman që dy sezone më parë siguroi vendin e dytë në kampionat dhe fitoi Kupën e Shqipërisë. Së bashku me 49-vjeçarin në stolin e shkodranëve do jetë edhe Matko Djarmati, ish-drejtori sportiv i kuqebluve në vitet 2020-2022, i cili ka punuar me Brdaric gjatë kësaj peruidhe.
Discussion about this post