Plane për fundjavën? Ja si parashikohet moti

Dita e shtunë do të jetë në ndikim të kushteve atmosferike relativisht të qëndrueshme.

Moti parashikohet të jetë me kthjellime dhe në orët e mesditës pritet zhvillim i vranësirave përgjatë relieveve malore aty ku dhe do të pasohen nga reshje shiu.

Shërbimi Meteorologjik Ushtarak njofton se dita e Diel do të jetë në ndikim të kushteve atmosferike të qëndrueshme.

Orët me diell do të mbizotërojnë në pjesën më të madhe të vendit.

Era do të jetë nga kuadrati i jugut me shpejtësi mesatare deri në 6 m/sek, e cila hera-herës përgjatë vijës bregdetare fiton shpejtësi deri në 10m/sek.

Valëzimi në dete pritet të jetë i ulët i forcës 1-2 ballë.