Deputeti i Partisë Demokratike, Tomorr Alizoti në fjalën e tij përpara demokratëve të Lezhës është shprehur se në Shqipëri po zbatohet një projekt ku po vidhet gjithçka. Me nota ironie ai shtoi se në situatën që ndodhet Shqipëria edhe afrikanet po refuzojnë të qëndrojnë
“Shumë socialistë në Tiranë më thonë, Alizot mos ja përmend më babën, por dua t’i them Edi Ramës që ai është i biri i Kristaqit dhe nipi i Spiro Kolekës, i partisë që vrau dhe preu shqiptarët.
Dua të them dy fjalë, Shqipëria sot nuk gjendet në korrupsion, por ka një projekt ku vidhet vendi dhe ky projekt e ka arritur qëllimin, pasi tani edhe afrikanët po refuzojnë të qëndrojnë këtu.
Koha është e shkurtër dhe unë kam një mirënjohje për demokratët të cilët kanë gjithë jetën që marrin pjesë në protesta, që mbushin sallat dhe që kanë gjithë jetën që nuk vlerësohen dhe do të vijë koha që do të vlerësohen.
Rrofshin demokratët dhe fitore e suksese të gjithëve”, u shpreh ai.
Discussion about this post