Kapiteni i Southampton elozhe për Brojën: Ka një siguri të mrekullueshme në atë që bën

Armando Broja ka marrë vëmendjen e futbollit britanik javët e fundit, pasi po e shënon emrin rregullisht si shënues në çdo ndeshje të Southampton.

20-vjeçari shënoi edhe ditën e djeshme në ndeshjen kundër Crystal Palace, një supergol nga distanca, edhe pse ekipi i tij nuk mundi të shkonte dot më larg se barazimi 2-2.

Për Brojën nuk kanë munguar elozhet as nga kapiteni i skuadrës, James Ëard-Prowse, i cili gjithashtu shënoi në takimin  e djeshëm falë një faulli të fituar nga sulmuesi shqiptar.

“Mendoj se në fillim ai pati një start të ngadaltë, por javë pas jave ai është rritur si lojtar ashtu dhe si person.

Është shumë i sigurt në atë që bën dhe kjo është e mrekullueshme. Ai ka një fizik të fortë, vrapon shumë, mban topin, ka një teknikë shumë të mirë dhe gjithmonë përpiqet të arrijë synimin e tij. Ai është ende i ri dhe ne kemi disa të rinj që ishin në formacion sonte dhe kjo është diçka fantastike për ekipin”, ka thënë Prowse për Brojën.