Shpërthen bombola e gazit në një banesë në Shkodër

Një bombol gazi ka shpërthyer në një banesë në Shkodër këtë të shtunë, duke plagosur kryefamiljaren.

Ngjarja ka ndodhur rreth orës 18:11, në lagjen Dergu. Për pasojë, e zonja e shtëpisë ka pësuar dëmtime të lehta, sipas policisë.

“Rreth orës 18:11, në lagjen Dergut, në banesën e shtetases A. M., ka shpërthyer një bombël gazi dhe për pasojë shtetasja A.M, ka pësuar dëmtime të lehta fizike jashtë rrezikut për jetën. Grupi hetimor vijon veprimet për sqarimin e plotë të rrethanave të rastit”, njoftoi policia.