Kreu i qeverisë, Edi Rama ka publikuar një video nga Buni i Bajraktarit teksa shkëmben batuta me ministren Elisa Spiropali dhe kryebashkiakun Benet Beci.
“Përshëndetje nga Buni i Bajraktarit, siç thotë Mamica ‘ballkoni i Perëndisë’”, shprehet Rama, i cili më pas kalon kameran nga ministarja.
“Përshëndetje”, thotë Elisa Spiropali.
“Ja ku e kam këtu edhe Vrana Kontin”, thotë sërish kryeministri.
“1700 m lart jemi këtu”, shprehet Benet Beci.
Kreu i qeverisë më pas shton se po ngjiten drejt Thethit ku do të diskutojnë rreth turizmit.
“Kemi ardhur dhe po ngjitemi drejt Thethit ku do të diskutojmë atje ata të cilët kanë hapur dyert dhe e kanë kthyer Thethin në një destinacion europian turistik për programin e ri, mbështetjes për investimet në këto male që do tu hapë rrugë të gjithë atyre që kanë lënë këto male në kërkim të një jete më të mirë dhe që kanë punuar e punojnë pa pushim, që e kursejnë për t’i investuar në tokat e të parëve”, thekson Rama.
Discussion about this post