Spezia është eliminuar nga Kupa e Italisë pas humbjes 0-2 në shtëpi përballë Lecce. Në këtë takim sulmuesi shqiptar Rei Manaj nuk ka luajtur asnjë minutë, ndërsa për Lecce është aktivizuar Kastriot Dermaku si zëvendësues. Demarku u ndëshkua gjithashtu me karton të verdhë.
Golat për Leçe u shënuan nga Listkowski dhe nga Calabresi. Falë këtij suksesi, Leçe kualifikohet për në fazën tjetër të Kupës dhe përballë do të ketë Romën.
Nga ana tjetër, Spezia largohet nga fusha mes fishkëllimave, e mundur nga një ekip i Serisë B dhe e gjen veten gjithnjë e më në vështirësi. Skuadra e Thiago Motës ndodhet në vendin 17 të renditjes në Serie A, me vetëm 12 pikë të grumbulluara.
Discussion about this post