Rriten tensionet në protestën para Bashkisë së Tiranës.
Protestuesit kanë shkulur gardhin metalik. Ata kanë tentuar disa herë të çajnë kordonin policor për tu futur brenda bashkisë, përpjekje që ka rezultuar e pasuksesshme. Policia nga ana tjetër është përgjigjur me spraj lotjellës.
Protesta e sotme e opozitës u shoqërua me disa incidente ndërsa protestuesit hodhën tymuese dhe molotov në drejtim të bashkisë.
Gjithashtu gjatë protestës i ra të fikët një efektivi të policisë i cili u shoqëruar nga një ambulancë për te marrë ndihmë mjekësore.
Disa persona janë shoqëruar nga policia.
Sot, shënohet protesta e pestë para Bashkisë së Tiranës për dorëheqjen dhe arrestimin e Veliajt.
Protestat te bashkia nisën pas arrestimeve të drejtorëve të Veliajt lidhur me aferën “5D”. Gjatë fjalimeve nga mikrofoni i protestave, qytetarë dhe anëtarë të opozitës e kanë cilësuar Veliajn “kokën e bandës së drejtorëve hajdutë” dhe “pronarin faktik të inceneratorit të Tiranës”.
Discussion about this post