Gazetarët janë mbledhur në protestë para Kuvendit, për lirinë e medias, një ditë para Ditës Botërore e Lirisë së Shtypit. Kjo për faktin se sot ka seancë plenare dhe për të sjellë më mirë mesazhet te politika. Vetëm këtë vit janë raportuar rreth 30 raste të sulmeve ndaj gazetarëve dhe mediave.
“Keni mbështetjen tonë. Unë dënoj çdo lloj sulmi.Vetëm ju mos t’ju cenojnë pa dashje. (qesh)”, tha deputeti i PS-së, Toni Gogu para gazetarëve.
Gjatë fjalimit të tij gazetari Isa Myzyraj u shpreh se është e paimagjinueshme të intimidohen nga politika.
“Gazetaria në Shqipëri është e mbushur me problematika, që nisin nga redaksia deri te përballja me politikën dhe institucionet. Gazetarëve u është dërguar mesazhe personale nga persona të zgjedhur. Është e pamiagjinueshme që një i zgjedhur të shkruajë një mesazh personal dhe të intimidohemi. Dita e sotme duhet të jetë alarm”, tha Myzyraj.
Nuk nguroj të jap mbështetjen e tij dhe kreu i grupit parlamentar të PD-së, Gazment Bardhi, i cili deklaroi se këto raste janë të turpshme jo vetëm për ata që i kryejnë por për të gjithën politikën.
“I kemi dënuar dhe i dënojmë sulmet ndaj medias. Liria e shtypit është një nga shtyllat e demokracisë, ju si gazetarë terreni keni vështirësitë tuaja, ashtu si medias në tërësi. Herë pas herë ka rënë pre e autoritarizmit të qeverisë Rama. Uroj që të bëhet me e mira për gazetarët dhe median në tërësi. Janë raste që turpërojnë jo vetëm ata që i kanë kryer por gjithë politikën dhe të gjitha ata që do të duhet të ndërmarrin akte në mbështetje të lirisë së medias. Keni mbështetjen e grupit parlamentar të PD për të bërë punën tuaj në mënyrë të pavarur”, u shpreh Gazment Bardhi.
Gazetarja e ekonomisë, Ola Xama e cila ishte pjesë e protestës ka theksuar se shenjat e para që gazetaria të rikthehet në shina është të hiqen kasetat e gatshme, edhe instiucionet të kthejnë përgjigje kërkesave për koment që i bëjnë gazetaret.
“Dua ta solidarizohem me të gjithë kolegët e mi pasi sot të bëhesh gazetaria në Shqipëri është shumë e vështirë. I bëj thirrje të gjithë politikanëve në vend që të jenë më tolerantë ndaj medias dhe të respektojnë lirin që e saj. Shenjat se si respektohet liria nuk vijnë me konferenca për shtyp apo duke tentuar me botime që të marrin afër tyre organizata që janë në mbrojtje të gazetarëve. Shenjat e para janë që të hiqen kasetat e gatshme, të kthejnë përgjigje kërkesave për koment që i bëjnë gazetaret institucioneve publike, fushtat deziformuese apo deri në sulme me arme dhe dhunime gazetarëve,” u shpreh Xama
Discussion about this post