Studentët e mjekësisë paralajmërojnë protestë: Mos na injoroni, se do e merrni përgjigjen!

Studentet e mjekësisë kanë paralajmëruar qeverinë se do ngrihen përsëri në protestë nëse miraton ligjin për punë të detyruar pas diplomimit.

Ata nuk bien dakord me projektligjin që Ministria e Arsimit ka përgatitur për mbajtjen e studentëve të mjekësisë në vend.

“U informuam nëpërmjet mediave në lidhje me një projektligj të draftuar nga Ministria e Arsimit për ndryshimin e ligjit nr. 60/2023. Shprehim keqardhjen dhe indinjatën në lidhje me faktin që pavarësisht përpjekjeve tona, u injoruam për të dytën herë radhazi në procesin e hartimit të projektligjit.

Duke pasur parasysh shkeljen e afatit të lënë prej Gjykatës Kushtetuese dhe mosplotësimin e boshllëkut ligjor në lidhje me kriteret për punësim, jemi duke u konsultuar me ekipin ligjor për të ndërmarrë gjithë hapat e nevojshme gjyqësore dhe kushtetuese. Çdo përpjekje për të na injoruar në vazhdim, do të marrë përgjigjen tonë në çdo formë, ashtu si një vit më parë,” deklaruan studentet.