Aksident në Tiranë – Përplasen 2 automjete, batohet furgoni

Një aksident automobilistik ka ndodhur mëngjesin e ditës së sotme në Tiranë, në Unazën e Madhe, pranë Farkës.

Në aksident janë përfshirë dy automjete, ku njëri prej tyre, që është furgon, është batuar.

Nga aksidenti kanë mbetur të plagosur 2 persona, të cilët janë transportuar në spital për ndihmë mjekësore dhe raportohet se janë jashtë rrezikut për jetën.

Besohet të ketë ndikuar edhe lagështia në rrugë te aksidenti, pasi ka qenë duke rënë shi në momentin që ndodhi ngjarja.

Ndërkohë që po punohet për zbardhjen e plotë të rrethanave të ngjarjes.