Shkarkimi i Gani Dizdarit nga posti i gjyqtarit në Gjykatën Kushtetuese la një vend vacant në këtë institucion. Ditën e sotme, Gjykata e Lartë ka dërguar 5 emra kandidatësh të cilët konkurrojnë për të zënë vendin e Dizdarit në Kushtetuese.
Mësohet se, për këtë pozicion kanë konkurruar Brunilda Kadi, Ilir Toska, Holta Zaçaj, Manjola Xhaxho dhe Tartar Bazaj.
Propozimet i janë paraqitur Këshillit të Lartë të Drejtësisë dhe pritet që së shpejti të plotësohen vendet në Gjykatën Kushtetuese dhe kjo e fundit të nisë funksionimin normal të saj.
Lista e kandidatëve, si edhe dokumentacioni i paraqitur prej tyre, i janë dërguar Këshillit të Emërimeve në Drejtësi, si organi kompetent për vlerësimin e kushteve dhe kritereve të emërimit të gjyqtarëve në Gjykatën Kushtetuese.
Discussion about this post