Tregtarët e fruta perimeve në Vlorë ankohen edhe pse në prag të festave të fundvitit, ky treg është braktisur nga qytetarët ndërsa nga ana tjetër këta të fundit ankohen se ka rritje të çmimeve. Gjithashtu, tregtarët shprehen se kushtet e tregut janë lënë në mëshirë të fatit, por kryetari i Bashkisë Vlorë ka premtuar ndërtimin e një tregu tjetër.
Sipas tregtarëve papunësia dhe largimi i të rinjve nga Shqipëria është një faktor që ndikon në mungesën e të ardhurave dhe fuqia blerëse. Çmimet e mallrave të konsumit kanë shënuar një rritje në të gjithë vendin duke nisur nga produktet e shportës.
“Çmimet i kam shumë lirë, por s’ka blerës, janë të gjithë në emigrim. Më përpara s’ka qenë kështu”, u shpreh një tregtar.
Qytetari shprehet se çmimet janë të shtrenjta dhe nuk kanë forcë ekonomike për t’i përballuar.
“Shtrenjtë janë, me pagat tona shumë shtrenjtë, por kjo është ekonomia e lirë. Duke qenë në prag të vitit të ri, kërkesat janë më të mëdha edhe kanë kursye ndonjë leke për të marrë gjëra për vitin e ri.”, tha një qytetarë.
Discussion about this post