38 persona janë arrestuar nga forcat policore të Italisë pasi akuzohen se bënin pjesë të një bande për trafikimi të lëndëve e narkotike.
Ndër të tjera mësohet se janë sekuestruar dhe 10 milion euro.
Masat paraprake, të ekzekutuara në provincat e Trento, Torino, Milano, Bergamo, Brescia, Bolzano, Verona, Pavia, Kremona dhe Livorno, u dhanë në përfundim të një hetimi të detajuar dhe kompleks.
Hetimi përfshin 38 subjekte, nga të cilët 36 janë shtetas të huaj (shqiptarë, tunizianë, marokenë dhe portugeze), të cilët kanë marrë pjesë ose kanë bashkëpunuar në dy shoqata komplekse kriminale, të cilat, të ndërlidhura mes tyre, ishin të përfshirë në trafikimin e lëndëve narkotike (kokainë, hashash, marijuanë dhe heroinë), të ardhur nga rajone të tjera italiane dhe të destinuara pothuajse tërësisht për në Trentino.
Shitja e lëndës narkotike zakonisht bëhej në Trento dhe Rovereto, pranë ose brenda parqeve dhe kopshteve publike dhe synonte një rrjet të dendur klientësh, madje edhe të moshave të reja. Janë sekuestruar mbi 49 kg hashash, 20 kg kokainë, mbi 5 kg heroinë, afërsisht 12 kg lëndë prerëse, 1 armë zjarri, para cash për mbi 111 mijë euro dhe materiale të ndryshme për paketimin e drogës.
Discussion about this post