Ka nisur protesta e radhës para Bashkisë së Tiranës, me protestuesit që kërkojnë arrestimin edhe dorëheqjen e Erion Veliajt nga posti i kryebashkiakut.
Kjo është protesta e gjashtë që mbahet pas arrestimit të drejtorëve të Bashkisë së Tiranës lidhur me procedimin penal të njohur si “5D”.
Për protestuesit, Erion Veliaj është “koka e bandës së hajdutëve” dhe “pronari faktik i inceneratorit të Tiranës”, ndaj edhe sipas tyre, duhet të japë dorëheqjen e të arrestohet.
Veliaj, nga ana tjetër pretendon pafajësi dhe refuzon dorëheqjen, teksa herë pas here sulmon protestat.
Përfaqësues të opozitës, që organizon protestat, kanë premtuar se tubimet do të jenë të vazhdueshme deri në dorëheqjen e Veliajt nga detyra e kryetarit të Bashkisë së Tiranës.
Prokuroria e Posaccme e ka thirrur Veliajn për të dhënë shpjegime si person në dijeni vetë për procedimin penal për djegësin e Tiranës. Megjithatë, për të dyja çështjet nuk është ngritur asnjë akuzë penale ndaj tij. Për opozitën ndërkohë, kjo qasje e SPAK, është një amnisti që po i bën kryebashkiakut.
Discussion about this post