Inter thuhet se ka arritur një marrëveshje për të ndërprerë kontratën e Christian Eriksen dhe po përgatit një paradë në Stadio Meazza për t’i thënë lamtumirë danezit.
Interi do të njoftojë sot përfundimin e kontratës së Eriksenit, sipas raportimeve të shumta në Itali.
Danezit nuk i lejohet të luajë ose të stërvitet në Serinë A me një iniciator të implantuar në zemër pasi çdo kontakt ose goditje mund të thyejë pajisjen.
Drejtorët e Interit u takuan dje me agjentët e mesfushorit dhe ‘La Gazzetta dello Sport’ dhe ‘Tuttosport’ raportojnë se të dy palët kanë arritur një marrëveshje për largimin e lojtarit.
Eriksen mund të vazhdojë të luajë në Danimarkë, Holandë ose në Premier League.
Ndërkohë ‘Zikaltërit’ po përgatisin një ngjarje në San Siro në shkurt 2022 për t’i lënë tifozët e Interit t’i thonë lamtumirë ish-yllit të Tottenham, i cili iu bashkua klubit në një marrëveshje prej 20 milionë euro në janar 2020.
Eriksen ka luajtur 60 ndeshje me kampionët e Serisë A, duke shënuar tetë gola./K.T/Gijotina.com
Discussion about this post