Në tregun shqiptar të veshjeve tregtohen ndër të tjera marka të njohura botërore, por në shumicën e rasteve, çmimet e tyre janë më të ulëta se në perëndim dhe cilësia lë për të dëshiruar.
Kjo, pasi të prodhuara në shtete që njihen tashmë për falsifikime të markës, vijnë në Shqipëri me një kosto minimale.
Këtë e vërtetojnë edhe shifrat e publikuara së fundmi nga Drejtoria e Përgjithshme e Doganave, ku vetëm gjatë vitit të kaluar janë bllokuar në kufi thuajse 5-fishi i sasisë së vitit 2022.
Bëhet fjalë kryesisht për vëshëmbathje dhe atlete, në një shifër totale prej 33.102 palë.
Në grupin e vëshëmbathjeve më së shumti kanë rënë në “rrjetën” doganore më së shumti bluza (10.574 copë), pantallona (3.848 copë), e deri tek rroba banjo, peshqirë, set palestre apo veshje të brendshme (intimo). Ndërsa, sa i përket atleteve, apo siç njihen me termin “këpucë sportive”, u bllokuan gjatë vitit të kaluar 8.912 palë.
Por, cila nga markat e famshme botërore preferohet më shumë nga shqiptarët? Ndër veshëmbathje dhe këpucë sportive marka që është bllokuar në sasi më të mëdha nga doganat ka qenë “Tommy Hilfiger”, që lë pas “Hugo Boss”, “Nike”, apo “Adidas”. Nga ana tjetër, “më pak të preferuarat” kanë qenë markat e luksit si “Dolce&Gabbana”, “Botega Verde” dhe “Prada”./scan
Discussion about this post