Seanca e sotme plenare në Kuvendin e Kosovës ka shënuar një moment sensibilizimi që rrallë herë ndeshet në politikë. Bëhet fjalë për deputeten Adriana Matoshi e cila është rikthyer sërish në kuvend pas ndërhyrjes së vështirë kirugjikale, që iu nënshtrua në luftën e saj ndaj kancerit. Ajo u mirëprit me duartrokitje nga kolegë të saj, ndërsa kryetari i Kuvendit, Glauk Konjufca i uroi mirëseardhjen.
“Kësaj seance sapo i dha jetë më shumë deputetja që sapo arriti, Adriana Matoshi. Ajo ka kaluar nëpër një ndërhyrje kirurgjike të vështirë dhe ia ka dalë jo vetëm se vet është e fuqishme por edhe se çdo minutë kemi qenë më ty. Të dëshirojmë shëndet dhe jetë të gjatë”, -ka thënë Konjufca.
Adriana Matoshi iu nënshtrua një ndërhyrje kirugjikale, të cilën e bëri publike vet ajo, teksa shumë nga kolegët dhe të afërmit e saj u solidarizuan duke i treguar mbështetjen e tyre në këtë periudhë aspak të lehtë për të.
Discussion about this post