Një ngjarje e rëndë është shënuar ditën e sotme në Deçan të Kosovës. Një 34-vjeçar raportohet se ka humbur jetën, teksa shkaqet ende nuk dihen. Viktima po priste dru në Bjeshkët e Vokshit gjatë, raportohet nga autoritetet. Mësohet se ai ka arritur në Qendra e Mjekësisë Familjare në Deçan, pa shenja jete, ndërsa po hetohen për zbulimin e plotë të rrethanave.
Një tjetër ngjarje e rëndë është shënuar në fshatin Lloqan të Deçanit, ku si pasojë e flakëve që kanë përfshirë banesën, një i ri ka humbur jetën. Policia ka bërë të ditur se viktima është gjetur i karbonizuar. Ndërkohë arsyeja e zjarrit nuk dihet ende, por grupi hetimor po punon për zbulimin e rrethanave.
Për vdekjen e të riut ka njoftuar edhe kryetari i Komunës së Deçanit, Bashkim Ramosaj.
“I rëndë dhe pikëllues lajmi për ndarjen tragjike nga jeta, e të riut Mentor (Canë) Himaj nga fshati Lloqan komuna e Deçanit. Ngushëllime familjes Himaj, miqve dhe të gjithë qytetarëve të Deçanit!”, ka shkruar Ramosaj në Facebook.
Discussion about this post