Mediat austriake raportojnë se një 42 vjeçar shqiptar ka ndërruar jetë, teksa po punonte. Bëhet fjalë për një shqiptar nga Kosova, i cili po punonte në çatinë e një objekti. Mësohet se një pllakë e eternit është thyer në zonën e cepit të çatisë, i ndjeri ka humbur ekuilibrin dhe ka rënë nga lartësia, ku si pasojë nuk ka mundur t’iu rezistojë plagëve të marra.
Ngjarja ka ndodhur rreth orës 09:10, ndërsa lartësia mësohet se është rreth 10 metra. I ndjeri është përplasur mbi një dysheme betoni. Raportohet se 42-vjëçari shqiptar ishte duke punuar më një ekip për riparimin e një çatie në Alkoven.
Discussion about this post