Mediat turke: Besiktas tenton Manajn, zbulohet çmimi për sulmuesin shqiptar

Besiktas është një nga klubet e interesuara për të marrë shërbimet e sulmuesit shqiptar, Rey Manaj.

Sipas asaj që raportohet nga mediat turke, drejtuesit e klubit bardhezi, kanë nisur kontaktet me Sivasspor. Këta të fundit, kanë zbuluar gjithashtu edhe çmimin e lojtarit.

Për afrimin e Manajt, duhet të paguhen në arkat e Sivasspor 10 milionë euro. Klubi turk, nuk do të pranojë asnjë ofertë poshtë kësaj shume.

Palët janë në bisedime dhe Besiktas, thuhet se po punon për një çmim më të ulët, duke futur në marrëveshje edhe dy lojtarë. Ditët e ardhshme do të jenë vendimtare për të ardhmen e sulmuesit.