Të gjithë drejtuesit e mjeteve të cilët do të duan të personalizojnë targën e makinës me emrin e tyre të shënuar në të, duke nisur nga janari do të munden ta realizojnë këtë pasion që ata kanë. Lajmi është bërë me dije nga Drejtoria e Përgjithshme e Transportit Rrugor, e cila sqaron se drejtuesit e mjeteve kanë të drejtë të personalizojnë targat e mjeteve me 7 karaktere ku përfshihen numrat dhe shkronjat. Gjithashtu kjo lloj targe do të mund të transferohet nga një mjet në tjetrit, por me tarifë shtesë.
Një tjetër risi prek automjetet të cilat kanë hapësirë për të vendosur targa në formatin amerikan, duke iu lejuar që të përdorin targa të këtij formati, gjithashtu dhe ky shërbim vjen me pagesë ekstra. Targat e motoçikletave do të vijnë në format të ri, duke u përshtatur me hapësirën që prodhuesit e automjeteve kanë vendosur. Ndryshe nga shërbimet e tjera, ky nuk do të ketë kosto ekstra. Drejtuesit e automjeteve, të cilët janë pajisur me targa para datës 1 mars 2010, duhet të bëjnë ndryshimin e targave të vjetra, duke i zëvendësuar me modelet e reja.
Këto ndryshime janë miratuar nga qeveria dhe pas hedhjes së tyre në Fletoren Zyrtare, ministria e Infrastrukturës do të publikojë dhe tarifat ekstra në bazë të shërbimit.
Discussion about this post