Përmbytjet e reja në Afganistan kanë vrarë disa qindra persona, njoftuan të shtunën autoritetet talebane, pa dhënë një shifër të saktë.
Gjithashtu, vërshimi i ujërave ka lënë të plagosur një numër të konsiderueshëm personash dhe shumë të tjerë të bllokuar në banesa.
Provincat Badakshan, Baglan, Gor dhe Herat janë më të prekurat, me dëme që klasifikohen në shkatërrime të mëdha.
Autoritetet deklaruan se kanë urdhëruar mobilizimin e të gjitha burimeve për të shpëtuar njerëzit, për të transportuar të lënduarit dhe rikuperuar trupat e të ndjerëve.
Në provincat e prekura, forcat ajrore kanë nisur evakuimin e njerëzve, duke i ardhur në ndihmë një numri të madh personash. Gjithashtu, disa qindra të plagosur janë transportuar në spital – shtuan burimet.
Muajin e kaluar, sërish për shkak të motit të keq me shira të dendura, humbën jetën të paktën 70 persona, ndërsa u dëmtuan rreth 2 mijë shtëpi, tre xhami dhe 4 shkolla.
Discussion about this post