I ftuar në emisionin “Zonë e Lirë”, Kryeministri Edi Rama ka folur për arrestimin e ish-Ministrit të Mjedisit, Lefter Koka për përfshirjen e tij në korrupsion lidhur me inceneratorin e Elbasanit.
Rama tha se kjo çështje është individuale dhe jo partiake dhe në momentin kur drejtësia i kërkon hesap dikujt nga ministrat, ai duhet të marrë avokat dhe të përballet me drejtësinë
“Je shumë gabim. Në asnjë vend nuk do ndodhte ajo që thua ti, në vendet normale, dhe sjelljet normale të çdo demokracie, përcaktojnë se përgjegjësia është individuale. Sa herë që ulemi në mbledhjen e qeverisë, kur formohet qeveria, kam një shprehje, vendet që jeni ulur, jua kam dhënë, tani duhet ta mbani.
E mban me punë dhe rezultate, e kam thënë dhe publikisht, në momentin kur drejtësia i kërkon hesap dikujt ndër ne, ai duhet të marrë avokat dhe të përballet me drejtësinë. E dyta, çështjet me drejtësinë janë individuale, jo çështje kolektive dhe partiake. Për sa kohë vazhdon ballafaqimi me drejtësinë, nuk ka punë me partinë” – tha Rama.
Discussion about this post