Trajneri i Vllaznisë, Tomas Brdariç ka folur pas barazimit pa gola ndaj Dinamos dhe e ka shprehur hapur pakënaqësinë me paraqitjen e ekipit.
Ai ka thënë se skuadra bëri shumë gabime taktike dhe nëse vazhdon kështu nuk do të ketë sukses, megjithëse vlerësoi Dinamon për kualitetitn. Brdariç u ndal edhe te ndryshimi që pësoi skadra në pjesën e dytë dhe tregoi se u tha lojtarëve që nuk mund të vazhdonin njëlloj keq.
“Nuk është e drejtë të krahasosh ndeshjet, kohë tjetër e mundësi të tjera. Kemi luajtur jashtë fushe ndaj një ekipi që nuk ka pasur rezultate, por jo mungesë kualiteti.
U thashë lojtarëve që isha kurioz si do të përballonim këtë ndeshje dhe e pashë në pjesën e parë se si ishte një paraqitje e dobët nga ne me shumë gabime taktike. Dhe nëse luajmë ashtu nuk do të jemi të suksesshëm.
Në pushimin e ndeshjes u thashë lojtarëve që është e pamundur të luajmë njëlloj keq dhe ndryshuam. U përmirësuam dhe na mungoi fati që të shënonim në pjesën e dytë.
Nuk arritëm të shpërthenim në krahë, duhej të fitonim duele, por nuk ia dolëm. Mendoj se ishte mungesë e dueleve të fituar, por për mua ishte thelbësore që në pjesën e parë nuk fituam topin e dytë dhe mendoj se pse nuk ia dolëm të hynim mirë në ndeshje”, tha Brdariç.
Discussion about this post