Deputeti Luan Baçi është paraqitur ditën e sotme në Prokurorinë e Posaçme.
Nuk dihet ende arsyeja e thirrjes së deputetit demokrat në SPAK, por ligjvënësi është paraqitur në Prokurori edhe më herët lidhur me një denoncim të bërë ndaj tij.
Në një emision televiziv disa muaj më parë, ai foli për rastin.
“Në SPAK kam qenë dhe unë, më ka marrë në telefon një oficer i SPAK dhe më tha duhet të vish për një deklarim. Shkova deklarova. Më thirrën për një denoncim të bërë për mua nga një patronazhist nga Fieri, që thoshte se s’kam deklaruar të ardhurat. Ka nja tre katër muaj… SPAK kishte marrë denoncimin, kishte marrë dokumentacionin e hapi dosjen dhe mori deklarimin nga unë. Më tha sa prona ke, i thashë kam këtë këtë…”, tha Baçi në Tetor 2023.
Discussion about this post