Një person është gjetur i pajetë pasditen e kësaj të mërkure në lagjen 17 të qytetit të Korçës.
Sipas informacioneve paraprake, viktima është rreth 60 vjeç dhe ka ndërruar jetë duke ecur në rrugë.
Nuk dihen ende shkaqet që çuan në ndarjen nga jeta të personit, ndërkohë që trupi është dërguar në morg për t’iu nënshtruar ekspertizës mjeko-ligjore.
Kanë qenë banorët e zonës ata që e kanë parë të shtrirë në tokë dhe kanë lajmëruar policinë e Korçës.
Policia dhe grupi hetimor po vijojnë hetimet për zbardhjen e rrethanave të ngjarjes.
Discussion about this post