Detaje të reja nga ngjarja e ndodhur në Durrës kur një 40-vjeçar, akuzohet se nën efektin e drogës, mbajti peng 2 fëmijët dhe qëlloni me kallashnikov për disa orë derisa u dorëzua pas negociatave me RENEA-n.
Burime nga policia konfirmojnë se burri me 2 fëmijët kishin 4 ditë që kishin ardhur në Durrës dhe ishin vendosur në një apartament me qera ditore i cili gjendet të “Përroi i Agait”.
Grupi hetimor ka marrë në pyetje fëmijët në prani të psikologes.
Ata kanë deklaruar se “kemi qenë në gjumë kur babai nisi të thërrasë se po sulmoheshin nga armiku. Ai thoshte armiku po vjen te dera dhe qëllonte me armë nga ballkoni. Edhe kur erdhi policia ai thërriste dhe qëllonte”.
Burime nga policia bëjnë të ditur se gjendja e psikike e 40-vjeçarit nuk duket në rregull dhe ai do ti nënshtrohet vizitave mjekësore.
Të njëjtat burime shtuan se bashkëshortja e sapokthyer nga Italia ia kishte lënë fëmijët të shoqit nën kujdes gjatë kohës që ishte jashtë vendit.
Discussion about this post