Është zbardhur dëshmia e Aleks Markut në polici, 40-vjeçarit që mbajti peng dy fëmijët e mitur në një apartament me qira në zonën e Shkëmbit të Kavajës në Durrës.
Ai ka pranuar konfliktin me bashkëshorten, e cila sipas tij ishte e lidhur me dikë tjetër. Ndërkohë që pohon se në apartamentin ku shkoi mori fëmijët sepse donte t’i largonte nga i dashuri i gruas. Sakaq, pretendon se ky i fundit po vinte për ta sulmuar, prandaj kishte dalë me kallashnikov në dritare.
“Unë me fëmijët kam katër ditë që qëndroja në shtëpi në plazh dhe fëmijët ishin shumë mirë me mua. Gruaja kishte ikur në Itali dhe kemi disa kohë që kemi debate me njëri-tjetrin. Nga debati i fundit që patëm ajo u largua për në Itali dhe unë mora fëmijët dhe erdhëm në Durrës. Ajo ka dashnor dhe prandaj doja t’i largoja fëmijët. Dje në shtëpi kanë ardhur dashnorët e saj për të na sulmuar dhe unë prandaj dola në dritare duke qëlluar që të largoheshin. Nuk i kam bërë gjë fëmijëve, thjesht djalin e mora me vete në ballkon kur po qëlloja, që ta kisha dëshmitar. Nuk jam treguar i dhunshëm me fëmijët”, ka deklaruar në polici Aleks Marku, i cili dyshohet se vuan nga probleme të shëndetit mendor.
Discussion about this post