Një 46 vjeçar ka rënë në prangat e policisë së Korçës pasi është kapur duke transportuar 23 emigrantë të paligjshëm në makinë.
Policia bën me dije se Idlir Topçiu, 46 vjeç, banues në Durrës, u ndalua duke transportuar 23 emigrantë të paligjshëm, të cilët i kishte fshehur në karrocerinë e kamufluar të mjetit, me qëllim shmangien e kapjes nga policia.
Gjatë kontrollit të ushtruar, në karrocerinë e mjetit, në një vend të përshtatur me dërrasa dhe binarë druri, u gjetën të fshehur 23 emigrantë të paligjshëm, të cilëve kundrejt shpërblimit prej 300 euro secilit, Topçiu iu kishte premtuar kalimin drejt vendeve të BE-së.
Në bashkëpunim me Prokurorinë pranë Gjykatës së Shkallës së Parë Korçë, po vijojnë hetimet për dokumentimin e plotë ligjor të kësaj veprimtarie të kundërligjshme.
Discussion about this post