Goditja e bosëve të krimit! Shefi i policisë dhe efektivi nuk u paraqitën në punë ditën e aksionit, dyshime për dekonspirimin e operacionit

Prokuroria e Posaçme lëshoi 50 urdhër-arreste për persona të dyshuar si pjesë e 7 bandave kriminale, mes tyre dy punonjës policie, Henerigert Mitri e Klodian Shahini, si edhe dy ish-efektivë të RENEA-s.

Por gjatë operacionit policor, me urdhër të SPAK, që u zhvillua në datat 17 dhe 18 maj, asnjë prej katër punonjësve të policisë nuk u vendos në pranga.

Ndërkohë mësohet se Henerigert Mitri, i cili aktualisht mban postin e shefit të sektorit në Drejtorinë e Përgjithshme të Policisë së Shtetit dhe Klodian Shahini, i cili punonte në sallën operative të Policisë së Dibrës, nuk janë paraqitur në punë më 17 Maj kur nisi edhe operacioni i SPAK.

Gjithashtu mësohet se në megaoperacionin për arrestimet e personave të shpallur në kërkim nuk kanë marrë pjesë as Forcat Operacionale.

Ndërsa janë ngritur dyshime për dekonspirim të operacionit të Prokurorisë së Posaçme.