Detaje të reja dalin lidhur me ngjarjen e rëndë në Kavajë, ku një baba 48-vjeçar dyshohet se ka kryer marrëdhënie seksuale me vajzën e tij 15-vjeçare për katër vite me radhë.
Sipas policisë, rasti është bërë i njohur në polici pas kallëzimit të 15-vjeçares se babai ka abuzuar me atë seksualisht në mënyrë sistematike për katër vite.
Mësohet se 48-vjeçari B.R. ka mohuar akuzat e të bijës, e cila mori guximin të denonconte të atin pas rrëfimit që bëri në shkollë tek psikologia.
Adoleshentja ka thënë se babai e kërcënonte se do e vriste nëse ajo tregonte atë se çka ndodhte midis tyre.
Sakaq, pritet rezultati i mjekësisë ligjore për të dalë në përfundimin nëse deklaratat e vajzës qëndrojnë apo të të atit, i cili ka mohuar se ka kryer marrëdhënie me të bijën.
48-vjeçai u arrestua këtë të martë, pasi dyshohet se ka kryer marrëdhënie seksuale me vajzën e tij të mitur, në mënyrë të përsëritur.
“Shërbimet e Komisariatit të Policisë Kavajë, pas kallëzimit nga një shtetase 15 vjeçe, se babai i saj kishte kryer marrëdhënie seksuale me të, gjatë 4 viteve të fundit, menjëherë kanë organizuar punën për verifikimin e këtij kallëzimi dhe arrestimin e autorit”, njoftoi policia.
“Si rezultat i veprimeve të para hetimore, u vu në pranga shtetasi B. R., 48 vjeç, banues në Golem, për veprën penale ‘Marrëdhënie seksuale ose homoseksuale me të mitur’”, shtuan të njëjtat burime.
“Vijon puna hetimore për dokumentimin e plotë ligjor të këtij rasti. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, mbyllet njoftimi i bluve.
Burime policore thanë se babai ka mohuar të ketë abuzuar me vajzën, ndërsa vajza pretendon të kundërtën. Ndërkohë për të vërtetuar pretendimet, vajza do t’i nënshtrohet një kontrolli mjekësor.
15-vjeçarja fillimisht i ka treguar ngjarjen psikologes së shkollës, ku i rrëfyer se i ati ka kryer marrëdhënie seksuale me të brenda shtëpisë së tyre dhe se e kërcënonte që të mos tregonte. Adoleshentja ka rrëfyer se abuzimi seksual ndodhte kur nëna e saj, si edhe 3 motrat e vëllezërit nuk ishin në shtëpi. Psikologia dhe drejtuesit e shkollës kanë njoftuar policinë që kanë vendosur në pranga babain e saj.
Discussion about this post