Një person është arrestuar lidhur me aksidentin e ndodhur dje në Martanesh të Bulqizës, ku një minator humbi jetën në vendin e punës dhe një tjetër u plagos.
“Në përfundim të veprimeve hetimore dhe procedurale të kryera pas ngjarjes së ndodhur ditën e djeshme në një galeri kromi, në fshatin Thekën, Martanesh, ku gjatë procesit të punës, humbi jetën shtetasi A. P., (Armand Peshku) 29 vjeç dhe u dëmtua rëndë shtetasi H. B., (Hajdar Bala) 40 vjeç, të dy vagonistë në këtë galeri, ju bëjmë me dije se: Komisariati i Policisë Bulqizë arrestoi në flagrancë shtetasin G.P., 38 vjeç, banues në Bulqizë, me detyra administrator dhe brigadier në subjektin minerar”, njoftoi policia.
Ndaj tij rëndon akuza për veprën penale “Shkelja e rregullave të mbrojtjes në punë”.
“Nga hetimet rezultoi se për shkak të shkeljes së rregullave të mbrojtjes në punë, brenda në galeri është shembur një masiv gurësh, i cili ka zënë këta 2 shtetas”, njoftoi policia.
Lexo edhe:
Minatorëve në Martanesh u bien gurët sipër/ Humb jetën i riu, plagoset një tjetër
Discussion about this post