Një person është arrestuar nga policia lidhur me protestën e së martës para Bashkisë Tiranë për dorëheqjen e Veliajt, ndërsa tre të tjerë janë proceduar në gjendje të lirë.
Policia e Tiranës njoftoi se në pranga u vu E.V., 38 vjeç, banues në Kurbin. Ai akuzohet për veprat penale “Prishja e qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr”, dhe “Goditjet për shkak të detyrës”. Sipas bluve, 38-vjeçari është ndaluar dhe më datë 16 maj, në lidhje me protestën e datës 14 maj 2024. Më pas, është liruar nga gjykata.
Policia shtoi se u proceduan në gjendje të lirë edhe: K. B., 21 vjeç, S. J., 41 vjeçe, të dy banues në Tiranë, dhe S. B., 49 vjeç, banues në Krujë.
Discussion about this post