Akuzohet se ngacmoi vajzën 13 vjeçe, arrestohet 64-vjeçari

Një 64-vjeçar është arrestuar nga policia e Devollit pasi akuzohet se ka ngacmuar seksualisht një vajzë të mitur.

Burime zyrtare nga policia bënë me dije se në pranga u vu Z. R., 64 vjeç, banues në fshatin Hoçisht, pas kallëzimit të vajzës 13 vjeçe.

“Komisariati i Policisë Devoll ndaloi me iniciativë shtetasin Z. R., 64 vjeç, banues në fshatin Hoçisht, Devoll, pasi dyshohet se ka ngacmuar seksualisht një 13-vjeçare, deklarimet e së cilës u morën në prani të prindërve dhe të psikologes”, njoftoi policia.

Disa ditë më parë, në Golem të Kavajës u arrestua një 48-vjeçar nën dyshimet se ka përdhunuar për 4 vite vajzën e tij të mitur.