Berisha thirrje Veliajt: Mos i provoko qytetarët, por jep dorëheqje

Kryedemokrati Sali Berisha një ditë para protestës tek bashkia e Tiranës, i ka bërë thirrje Erion Veliajt që të mos guxojë të futet në bashki.

Ai i kërkoi kryebashkiakut që të mos i provokojë qytetarët, por të japë dorëheqje.

Pjesë nga fjala:

Erion Veliaj, mos guxo të futesh nesër në bashki.

Mos i provoko qytetarët. Jep dorëheqje dhe largohu.

Se hajdut si ti nuk ka njohur histori dhe vendi.

Thuaju pak qytetarëve të Tiranës pse duhej t’ia kaloje ndërmarrjen publike të mbetjeve privatit?

Si mundet t’i jepje asaj, 3R-së dhe kushëririt të Redi Mollës tokë për landfill pa vendim të Këshillit Bashkiak?

Kur ua dhe këtyre, Erion pse nuk e bëre me tender, por ua dhe nën dorë?

Hajdut si ti nuk ka parë toka.

Po marrëveshjen me Miloranzin e Veronës apo u bëre më këtë rast anëtar i Ndraghetës?

Eko-Tiranën ia shite kompanisë së inceneratorit. Mashtrove publikisht se ka vendosur Këshilli për të financuar inceneratorin, në një kohë kur Këshilli nuk ishte mbledhur kurrë.

E kujt është ndërmarrja o hajdut që merr përsipër dhe paguan edhe paratë e Rakip Sulit?

Heq fondin e arsimit dhe paguan 6 milionë euro për Bashkinë e Kamzës?

Është e jotja, ndryshe nuk do e bëje kurrë një akt të tillë.

Po për ty nuk ka ligj, ti i ke futur në thes me Zaman, me Krajë e të gjithë me radhë.

Po 8 pikët që i dhe kompanisë tënde me Edi Ramën, pa u themeluar akoma?

Në fund të fundit, ti je pronari i inceneratorit që gllabëroi 135 milionë euro gjer sot dhe nuk ekziston gjurmë, nam apo nishan se i vodhe ti me Edi Ramën.

Erion Veliaj, në dhjetëra e dhjetëra tendera vodhe 100 përqind shumën e prokurimeve me kompaninë tënde 5D. Paratë e vjedhura i shndërrove në hotele luksoze me 5 yje, në Durrës, Himarë, Dhërmi.

Në pallate 10-katëshe në Tiranë.

I fshehe në kontot bankare.

Po paratë e pyllit vertikal me 1 milion pemë, ku i ke?

Ose të shkulim nga rrënjët këtë racë hajdutësh ose Shqipëria nuk ka të ardhme.

Ndaj dhe nesër, me armën e fuqishme të zemërimit popullor, me mosbindjen civile, të gjithë në betejë, të gjithë në sulm.

Të gjithë për fitoren.