Gloria dhe Xhesika ishin dy fermeret më pak të preferuar spektaklin e kaluar, ndërsa Valeri dhe Albano më pak të preferuarit e spektaklit të sotëm.
Në bazë të votave të publikut, Gloria ishte në grup me Valerin dhe Albano në grup me Xhesikën, të cilët u përballën në sfidë.
“Të katër sfidantët janë ndarë në dy grupe. Xhesika dhe Albano ekipi i kuq, ndërsa Gloria dhe Valeri ekipi i verdhë. Loja nis në momentin që hapet banderi dhe do shkojnë të marrin objektet e vendosura në tavolina, sipas ngjyrave. Duhet të shkojnë të hapin sërish banderin, të marrin objektet. Në momentin që mbarojnë objektet, duhet të shkojnë t’i bjenë këmbanës. Kush ka marrë gjithë objektet, pasi të numërohen, janë edhe fituesit”, shpjegoi Bes Kallaku, kryeplaku i “Ferma VIP”.
Xhesika dhe Albano fituan sfidën, ndërsa Valeri dhe Gloria mbyllën rrugëtimin në “Ferma VIP”.
Por dy fituesit e sfidës së mbrëmjes së sotme Albano dhe Xhesi pavarësisht fitores ishin të mëriztur pasi eliminuan miqtë e tyre.
Sa i përket sfidës, Albano tha se ai dha maksimumin për të fituar për shkak se në këtë garë ishte me Xhesin, pasi një ditë më parë deklaroi se do ta linte lojën nëse do të ishte te më pak të votuarit nga publiku.
“Ndihem keq. Një ditë më parë ju thashë këtyre që nëse unë dal në sfidë do të largohem por më kishit lidhur em Xhesin dhe unë prandaj luftova. Isha shumë i lidhur si me Glorian ashtu dhe me Valerin. Glorian e kam dashur shumë këtu si njeri. Kurse me Valerin u lidha shumë pasi u kthye nga Anamerasi, kishte reflektuar. I folëm njëri-tjetrit sinqerisht”, tha Albano.
Edhe Xhesi ishte në të njëjtën linjë, ndërsa falenderoi Albanon që e çoi deri në fund këtë sfidë.
“Unë e kisha llogaritur që nëse Albano do ecte, do ecja dhe unë, nëse do vraponte do vrapoja dhe uën. I thashë nëse del ti, dal dhe unë. Pra në këtë pikë falenderoj Albanon, që e bëri këtë për mua”, u shpreh Xhesi.
Discussion about this post