‘Sakrifica’ e Gasperinit për Gjimshitin shndërrohet në gol por nuk mjafton, Roma triumfon në Bergamo

Roma këtë fundjavë udhëtoi në transfertë për tu përballur kundër Atalantës në Bergamo.

Në duelin e ‘shqiptarëve’ ku në skuadrat respektive aktivizohen Berat Gjimshiti dhe Marash Kumbulla, vërshellima e fundit e arbitrit e gjeti Romën duke triumfuar me rezultatin 4-1, në sfidën e cila u zhbllokua që në sekondin e 55’ me Tami Abraham që tundi rrjetën e Atalantës.

Zaniolo do të dhuronte golin e dytë për Murinjon në minutën e 27’, por Atalanta do të reagonte në fundit e pjesës së parë, me Muriel që ngushton rezultatin në 2-1. Muriel u aktivizua në minutën e 34’, lëvizje kjo e Gapserinit që duhej të sakrifikonte Gjimshitin për të, por që rezultoi e suksesshme.

Në pjesën e dytë do të ishin Smalling dhe sërish Abraham që do të shënonin për Romën, me rezultatin final të takimit që shkoi në 4-1.

Në përfundim të kësaj sfide, Roma përmirëson pozitat në tabelën e Seria A, duke u ngjitur në vendin e pestë me 31 pikë, një më shumë se Fiorentina ndjekëse në renditje.