Ndonëse e përfshinë në axhendën e ditës së enjte, socialistët do të tërhiqen nga votimi për ngritjen e Komisionit të Posaçëm anti-korrupsion. Burime konfirmojnë se nga mazhoranca do të pritet edhe dakordësia e opozitës, e cila deri më tani nuk ka konfirmuar pjesëmarrjen. Komisioni është konceptuar me 11 anëtarë, 6 nga PS dhe 5 nga opozita.
Një ditë para seancës plenare, deputeti i PD Ervin Salianji shprehet kundër, ndërsa kreu i Grupit parlamentar të PD, Gazment Bardhi evidenton mungesën e një drafti për këtë komision.
Opozita nuk mori pjesë as në votimin e projektrezolutës, e cila u miratua me 76 votat e socialistëve në seancën plenare të ditës së hënë.
Discussion about this post