Italia e la të lirë, arrestohet në Rinas rusi që doli kundër Putinit

Një 57-vjeçar rus është arrestuar nga Policia e Rinasit, pasi ishte shpallur në kërkim ndërkombëtar.

Aleksander Bobovnikov me profesion neokirurg, ndodhej në kërkim nga Rusia për veprën penale të mashtrimit. Më herët ai është ndaluar në Firence por gjykata italiane ka ndaluar ekstradimin për shkak të natyrës politike të çështjes për të cilën kërkohej në vendin e tij.

Bobovnikov thotë se ka ardhur në Shqipëri për të festuar ditëlindjen me miqtë e tij gjerman. Mësohet se Bobovnikov, është shprehur më herët kundër luftës në Ukrainë nga Rusia dhe kundër pushtetit të Kremlinit.

Këtë të enjte në orën 12:00 zhvillohet në Gjykatën e Tiranës seanca për vlerësimin e masës së sigurisë. 67 vjeçari disponon edhe pasaportë izraelite. Vendet e Bashkimit Europian e kanë refuzuar arrestimin e tij, ndërsa mbetet të shikohet cili do të jetë qëndrimi i drejtësisë shqiptare.